|
| ® 今日9月14日 中秋節快樂!! 今日聽美玲姐講道,佢話我地常常都要講讚美既說話,今日我好想同大家分享我所擁有既一切。 我有一部desk top,我有一個notebook,我有三四個袋,我有一個勁多衫,褲,鞋,襪。我有一部相機,我有十幾本小說,我有一隻guess手錶,我有得讀大學,我有一個健康既身體,我有好愛錫我既親人,朋友,我仲有................... 其實可能我仲有好多好多,一時間真係數之不盡,我唔係想炫耀自己有幾多既o野,我係想話比自己聽,我所擁有既,其實已經係好多好多,加上,我仲有有好多既「我有............」 希望大家都可以好似我咁,打哂你所擁有既一切出黎,可能你會發覺,你所擁有的,其實已經足夠!! 知足常樂 | | |
| ® 今日係9月5日 有出太陽既時候,亦有落雨既時候 原黎不經不覺又過左1個月既時間啦,我又已經有整整一個月冇打過xanga,好想同大家講下我近黎既事。我終於返完兩個半月既工啦,真係好開心,唔駛成日旱起身真係好開心,可以訓多o的,又可以做得多o的自己想做既o野。 我近黎覺得自己開心左,好似好耐冇試過咁樣,黎緊9月中我會去旅行,我會去處女星號,去廈門,好開心,我相信一定會好relax!!之後廿幾號就應該會同同學去長隆到玩,希望可以去得成啦!! 好記得,上年既呢一兩日,已經係我year one開學既日子,黎緊10月就會開學。 o係過去既一年,有好多既學習,有喜,怒,哀,樂,眼淚更加係唔少得,呢到真係要多謝o的比我o係佢地面前喊既人,又有好多人借過佢地既膊頭比我。 好想同大家分享一o的我所發生過既事。 好記得,第二個學期剛剛開始,開學唔夠一個星期,已經唔見左個銀包,其實當時只係忍住唔喊,直至o係我單對單對住sophia時,我真係喊哂出黎,因為我覺得好唔低,唔見哂自己o的野,所有證件都冇哂。之後好朋友們就陪我去報警,又同我去報失身份證,搞左成日!!夜晚仲請我食飯,仲send哂msg黎安慰我,好多謝你地呀,我好開心,雖然我唔見左銀包,但係呢幾千蚊,可以睇得出你地對我既關心同埋愛護 另外一件事,就係我o係期末考試既前一個星期,我成個人都好似崩潰咁,我覺得好唔開心,真係好唔開心,因為我覺得自己好多o野都做得唔好,我真係忍無可忍,所以我就上上下堂,搵左我老豆(Brian)出黎,我O個次真係喊得好勁好勁,一路向佢吐苦水,一路係咁喊,仲愈喊愈勁!!喊完真係舒服哂,多謝你,老豆!! 其實而家的確有o的期待黎緊year two既生活,但係另一方面都有o的擔心唔知道一切會變成點,但係我深信凡事都戀有安排。 感謝主,讓我o係過去一年,學習到好多唔同既o野,黎緊呢年,我會有更多既經驗去接受更多既o野,好開心,期待,盼望!! | | |
| ® 今日係8月5日 3號風號!! 我已經有成兩個月冇打過xanga啦,唔係因為我[懶,而係因為個xanga成日都loadh戈好耐,所以搞到唔想打。呢個summer都係o係爸爸公司到返工,都好攰下。7月頭有班弟兄姊妹見到佢地甫參加暑宣訓練,見到佢地日日都好辛苦,但係佢地日日都好有熱誠咁去傳福音,我當時都o係到諗,點解我會因為要返工,而放棄呢個訓練呢??當中見到佢地一個又一個咁上台分享,我都好為佢地既成長而高興。加上o係7月頭,Irene已經決定左離開主愛堂,而唔做主愛堂既part time 傳導人,令我其實都好唔開心,因為好唔習慣,姊妹邀請我送一首詩歌比佢,仲要上台分享,我都知我忍唔到架啦,其實知道個結果之後我都好唔開心,o的眼淚我都忍左成兩個星期架啦。跟住本黎我有得去廣州外宣,但係因為我唔係好舒服,所以臨時冇得去。 近黎我終於去左睇心臟專科,見埋醫生,醫生話我冇事,咁真係感謝主啦!!出左醫生房門口,我媽咪即刻話,你唔駛睇醫生,我都知你冇事架啦,駛咩用錢黎睇呀,雖然佢咁講,都有佢€既道理,但係我都係覺得睇左安心o的!! 8月1-3號,我去左我個團契既camp,係去左白普理營,今次我會負責做組長,好耐未試過做組長,雖然冇咩唔習慣,但係無然中都會有o的壓力,因為身為一個team既組長,責任都好大,你要令到全組人都要投入落個camp入面,真係唔容易。今次每個team都會有兩個組長同埋一個導師,而我既partner係Kelly,今次真係第一次同kelly合作,但係真係好感謝主,就係因為我地兩個有唔同既性格,可以容易合作起上黎,所以令到我地成個過程都係好開心!!最開心就係第二日既野外定向,真係估唔到我地組可以去到咁多個check point,我同Kelly都好開心!! 黎緊9月我就唔會做o野架啦,我就會放假架啦,唔會返工,我十月先返學,有時就搵我出去玩啦!! | | |
| ® 今日係6月27日 落雨!! 今日一早諗住都係想請埋上晝假,不過之後都係醒左,原因發覺今日都冇咩唔舒服。尋日請左病假,o係屋企休息,但係個人真係冇咩胃口,好似都唔係幾舒服咁,之後同媽咪傾電話,佢話醫生打比佢,叫佢同埋婆婆一齊去睇婆婆個檢查報告,其實我都好驚,聽完醫生講個報告,其實心入面真係有說不出的難過,雖然想喊,但係眼淚只可以往心里流,我知道我唔可以做O的咩,我只可以為婆婆切切咁祈禱。醫生話未確定到婆婆個腫瘤係良性定係惡性,要作進一步既檢查。婆婆心入面好急,呢兩日個人都唔開心,我其實都幾擔心,媽咪表面雖然睇起黎冇咩特別,但係我深知道佢真係好擔心,佢係最錫婆婆既一個女,我係好明白佢心情架!! 好多時我都好想同媽咪去傾計,等佢唔好咁擔心,但係可能我對住佢唔係幾識得講o野,令佢更加煩躁,其實我心入面真係好難受,我唔知應該可以點做,令到佢地開心O的,我而家只可以做O既就係切切咁為到佢地祈禱。 主,但願你不斷的保守我的一家!! | | |
| ® 今日係６月２２日 好好天呀！！ 各位親愛既好朋友，我返左黎香港啦，你地快ｏ的約我去街街啦，我好開心呀，因為我將會留ｏ係香港４個月架，我１０月先會走架，所以你地快約我去街街啦，我太掛住你地啦，不過而家我，星期一至五，同埋星期六既半日都要返工，但係可以約我夜晚架，我會好開心！！ 吾吾，而家係時候要作我大學一年級既一個回顧啦！！ 好記得ｏ係我開學既第一個月，真係「日日精彩，日日金！！」，差唔多每日都ｏ係到喊，訓又訓得唔好，食又食得唔好，仲要日日都好似ｏ係到受罪咁，咩事？？熟我既朋友都知架啦，跟住個人好似ｄｉｎ ｄｉｎ地咁，想點就點，初初未熟我ｏ的ｆｄ就真係覺得我ｄｉｎ ｄｉｎ地咁，之後個人好番ｏ的，所以就肥番．．．哈哈＾＾我每兩個星期都返香港一次，因為我認為番香港，真係可以為自己「差電」。ｏ係呢到真係多謝你地Brain,Cathy,welton,patrick,sophia,阿敏,馬仔,豬冬，呢一年入面，冇你地陪我，我都唔會ｏ係你地身上學到咁多ｏ野，我係真心架！！ 雖然每一日，都有每一日既挑戰，但係我可以日日勇敢去面對，縱使我知道我會唔開心，但係我都唔會收埋自己，我知道呢個唔係我一個人既力量可以做得到，我覺得呢一年入面，神比我既好多既功課，佢要我學識點樣去面對，佢雖然知道我ｏ係學既過程入面係好痛苦，但係佢都要我學，佢唔係對我唔好，佢真係好錫我，佢就係因為錫我先要我學，因為佢要我知道明白我之前所作既決定係錯，同埋讓我明白到所有ｏ野既背後都係會令自己咁難受，咁傷心，我呢一年ｏ係ｕｉｃ番既眼淚真係唔少，有時ｏ係ｄｏｒｍ入面喊，雖然真係好唔開心，但係仍有盼望，因為我成日提住自己，「我就黎可以返香港架啦！！支持落去呀！！」所以感謝主，我呢個學期都可以平安過渡！！ 第一個學期可以輕鬆ｏ的咁去完成，但係第二個學期就真係忙左好多，因為我地多左兩科要讀同埋我地又有好多ｐｒｏｊｅｃｔｓ要做，真係好忙。加上心戰又好激烈，所以令自己成個人成日都好唔開心，朋友們都好關心我，經常問我既事，多謝關心。 ｏ係呢到，我真係想同ｃａｔｈｙ，豬冬同阿敏ｓａｙ ｓｏｒｒｙ，我知道我好多時都令你地擔心我，我莫名奇妙所流出黎既眼淚，可能你地內心都充滿好奇，對唔住，我呢年，的確過得好唔開心，每次你地問我，我都好難好坦誠咁同你地講我內心最深入既ｏ個一句，其實我好驚，我亦都唔知點同你地講，但係我知，你地對我好好，問題係出自我自己，而唔係ｏ係你地到。出年我地就係ｙｅａｒ ｔｗｏ啦，可能會更加忙，但係我真係可以繼續ｋｅｅｐ住十個人，十條心，上下一心，其利斷金！！（可能誇張左，ｗａｋａｋａｋ！！） | | |
|
